АҚШ Киевга танк етказиб беришда воситачи бўлмоқчи
Ўтган ҳафтада Зеленский сўраб бир қатор давлатларга зирҳли машиналар сўраб мурожаат қилганди.
Қўшма Штатлар Украинага Собиқ Иттифоқ даврида ишлаб чиқарилган танкларни етказиб беришда ёрдам бериши мумкин. Бу ҳақда The New York Times газетаси АҚШ администрациясига таяниб хабар берди.
Унга кўра, Вашингтон Украина низоси даврида илк бор Киевга танк етказиб беришда воситачи бўлмоқчи. Бу жараён тез орада бошланиши айтилган. Шу билан бирга газета қанча танк берилиши ва у қайси давлатлар томонидан тақдим этилишига ойдинлик киритмаган.
Бу қарор Владимир Зеленскийнинг мурожаатидан сўнг қабул қилинган. ўтган ҳафта АҚШ президентининг миллий хавфсизлик масалалари бўйича маслаҳатчиси Жейк Салливан Украина етакчисининг бир қатор давлатлардан танк сўраганини маълум қилганди.
Аввалроқ Зеленский қайси давлатларнинг Украина хавфсизлиги кафолатчиси бўлишга тайёрлигини очиқлаганди.
