Оксана Чусовитина Бокудаги мусобақада Жаҳон кубогини қўлга киритди
46 ёшли гимнастикачи иккита олтин ва битта кумуш медалга созовор бўлган.
Озарбайжон пойтахти Боку шаҳрида спорт гимнастикаси бўйича бўлиб ўтаётган Жаҳон кубоги масобақаларида Оксана Чусовитина ҳам иштирок этиб, яна бир карра ғолиб бўлди.
Гимнастикачи таяниб сакраш машқи бўйича ўтказилган финал баҳсларида 13,266 балл билан 1-ўринни эгаллаган. Кейинги ўринларни мос равишда Венгрия вакиласи Мария Ксенже Бакскай ҳамда словениялик Теша Белак қўлга киритган.
Жами тўрт босқичдан иборат бўлган ушбу мусобақанинг учта босқичида қатнашиб, уларда иккита олтин ва битта кумуш медалга сазовор бўлган Ўзбекистон спорт гимнастикаси фахри бўлган Оксана таяниб сакраш йўналишида Жаҳон кубоги соҳибасига айланган. Бундан ташқари Чусовитина қимматли рейтинг очколарини ҳам қўлга киритган.
