Ўзбекистон ШҲТ доирасида сунъий интеллектни ривожлантириш ташаббуси билан чиқди
8 апрель куни бу масала Тошкентда муҳокама қилинади
8 апрель куни Тошкентда ШҲТ аъзо-давлатларининг фан ва техника вазирлик ҳамда идоралари вазирликлари учрашуви бўлиб ўтади. Бу ҳақда Инновацион ривожланиш вазирлиги хабар берди.
Унга кўра, томонлар 2022-2025 йиллардаги илмий-техник ҳамкорликни муҳокама қилади. Шунингдек, ШҲТ давлатларида сунъий интеллектни ривожлантириш масаласи кўриб чиқилади. Қайд этилишича, бу ташаббус билан Ўзбекистон томони чиққан.
ШҲТ давлатлари илм-фан идоралари раҳбарлари йиғилиши 2010 йилдан буён ўтказиб келинади.
Аввалроқ Тошкентда ШҲТ халқаро ярим марафони ўтказилгани тўғрисида хабар қилинганди.
