Шанхай коронавируснинг янги ўчоғига айланмоқда
Хитой ҳукумати шаҳарга 10 мингдан ортиқ тиббий ходимларни юборди.
Хитой ҳукумати Шанхайда Омиcрон штамми тарқалишининг олдини олиш мақсадида у ерга 2 минг нафар ҳарбий хизматчи ва 10 мингдан ортиқ шифокорни юборди.
Шаҳарда 2 ҳафтадан буён блокировка режими амал қилмоқда, 26 миллионга яқин одам коронавирус учун синовдан ўтказилмоқда.
Маълумотларга кўра, расмийлар бир нечта обектларни изоляция марказларига айлантирган. У ерга CОВИД-19 инфекциясини юқтирган, аммо касаллик енгил кечаётган беморлар юборилади.
Кўпгина корхоналар ва молиявий компаниялар ўз ходимларини изоляция қилиш орқали фаолиятини давом эттирмоқда. Аммо аксарият дўкон ва савдо муассасалари ёпилган. Масалан, “Волксwаген” эҳтиёт қисмларни етказиб беришдаги узилишлар туфайли ишлаб чиқаришни қисқартиришга мажбур бўлди.
