НАТОнинг вазифаси маслаҳат бериш эмас — Йенс Столтенберг
Иттифоқ бош котиби Украинага ҳарбий қўшин юборилмаслигини маълум қилди.
Шимолий Атлантика альянси ҳали ҳам Украинага ўз қўшинлари ва ҳаво кучларини юборишни режалаштирмаяпти. Бу ҳақда НАТО бош котиби Йенс Столтенберг Брюсселда бўлиб ўтган матбуот анжуманида маълум қилди.
“Иттифоқчилар Украинага НАТО қўшинларини юбормаслик ва алянс самолётларини Украина ҳаво ҳудудига жўнатмасликка рози”, — деган Столтенберг.
Унинг таъкидлашича, алянс бу позицияга амал қилади, чунки у Россия ва НАТО ўртасидаги урушнинг олдини олиш учун жавобгардир.
НАТО иттифоқчиларининг ташқи ишлар вазирлари 6-7 апрель кунлари бўлиб ўтадиган учрашувда Украинага яна қандай ёрдам кўрсатиши мумкинлиги, шунингдек, Россияга қарши кейинги чораларни муҳокама қилади.
Столтенбергнинг айтишича, НАТОнинг вазифаси Украинага ёрдам бериш, қандай битимлар тузиш ҳақида маслаҳат бериш эмас.
“Маслаҳат бериш мен учун эмас, балки менинг вазифам ва НАТОнинг вазифаси Украинани қўллаб-қувватлашдир. Қайси тинчлик келишувлари қабул қилинишини Украина расмийлари, президент Зеленский ва Украина халқи ҳал қилади”,— дея қўшимча қилган НАТО Бош котиби.
