АҚШ расмийлари Ҳиндистонни танқид қилди
Бу Нью-Делининг Россия қуролларини сотиб олиши билан боғлиқ.
АҚШ Ҳиндистоннинг аста-секин рус ҳарбий техникасидан воз кечишини истаяпти. Бу ҳақда Пентагон раҳбари Ллойд Остин маълум қилди.
“Ҳиндистон билан ишлашни давом эттиряпмиз. Биз Россия ҳарбий техникасига инвестиция киритиш уларнинг манфаатларига жавоб бермаслигини тушунтиришни истаймиз”, – деган у АҚШ конгрессининг вакиллар палатасидаги чиқишида.
Остиннинг бу баёноти конгрессмен Жо Уилсоннинг Ҳиндистонни танқид қилганига жавобан берилган.
“Бизнинг Ҳиндистон каби қимматли иттифоқчимиз, дунёнинг энг катта демократияси Кремль билан яқинлашишга қарор қилгани, унинг АҚШ ёки иттифоқчилари ҳарбий тизимларидан кўра рус тизимларини танлагани даҳшатли”, – деган Уилсон.
Ҳиндистон Москва қурол экспортининг йирик бозори ҳисобланади. Хусусан, Деҳли Россия танклари, артиллерияси, ракета тизимларининг фаол харидори.
Аввалроқ дунё қурол бозори тўғрисида ҳисобот эълон қилинганди.
