Владимир Жириновский вафот этди
Россиялик сиёсатчи, Давлат думаси ЛДПР фракцияси раҳбари Владимир Жириновский оғир ва узоқ давом этган хасталикдан сўнг 75 ёшида вафот этди.
«Оғир ва узоқ давом этган касалликдан кейин Владимир Волфович Жириновский бу оламни тарк этди», — дея расман маълум қилди Росссия Давлат думаси спикери Вячеслав Володин.
Маълумот учун: жорий йилнинг 25 март куни ҳам Жириновский вафот этгани ҳаақида хабарлар тарқалганди. Бироқ кейинроқ сиёсатчининг ўлими тасдиғини топмади.
Эслатиб ўтамиз, Владимир Жириновский 2 февраль куни коронавирус билан касалхонага ётқизилган. Ўшандан бери оммавий ахборот воситалари унинг аҳволининг ёмонлашуви ҳақида кўплаб норасмий маълумотларни чоп этди. Бироқ ЛДПР матбуот хизматида бундай маълумотларнинг ҳаммаси миш-мишлар деб аталди ва уларни рад этди. Охирги марта 21 март куни ЛДПРда Владимир Жириновский шифокорлар режасига мувофиқ даволанишни давом эттираётганини, касалликдан сўнг реабилитация жараёни бироз вақт талаб этишини айтганди.
