Хитой 2030 йилда ядро қуроллари сонини мингтага етказмоқчи — Пентагон
Шунингдек, Пекиннинг ядро ва стратегик қуроллари кучайиб бораётганлиги қайд этилди.
Хитойнинг ядровий ва стратегик қуролларининг катта суръатда ривожланиши Қўшма штатлар учун ўсиб бораётган таҳдид ҳисобланади. Бу ҳақда АҚШ қуролли кучларининг стратегик қўмондонлиги раҳбари адмирал Чарльз Ричард маълум қилди.
"ХХР юқори суръатда ўз ядро ва стратегик кучларини ривожлантиришда давом этмоқда. Шу билан бирга уларнинг бу қуроллардан қандай мақсадда фойдаланиши номаълум. Яқинда синовдан ўтказилган гипертовушли қурол — ўсиб бораётган салоҳиятнинг фақатгина бир мисолидир" — деган Ричард.
Унинг қўшимча қилишича, Пекин гипертовушли қуролни синовдан ўтказганда, у 40 минг километр узоқликка учган ва 100 дақиқадан ортиқ ҳавода қолган. Бу каби ракеталар ҳозирда дунёнинг ҳеч бир давлатида йўқ. Ричарднинг қайд этишича, Хитой гипертовушли тизим ва технологияларга катта маблағ ажратмоқда.
"Хитой шунингдек, плутоний ишлаб чиқариш ва бойитишга ҳам катта эътибор қаратмоқда. Бу 2027 йилда 700 та ядро қуролига эга бўлиш имконини беради. Катта эҳтимол билан ХХР 2030 йилда уларнинг сонини мингтага етказмоқчи", — деб айтган қўмондон.
Хитойда ҳозир 350 ядро қуроли бор.
Аввалроқ АҚШ март ўрталарида махфий тарзда гипертовушли ракета синовини ўтказгани тўғрисида хабар берилганди.
