Обама Тинчилик бўйича "Нобел" олганда нега Эрдўғон олмаслиги керак — Мевлут Чавушўғли
Туркиялик депутатлар Украинадаги саъй-ҳаракатлари учун Эрдўғонни "Нобел" мукофотига номзодини кўрсатмоқчи.
Туркиянинг ҳукмрон Адолат ва тараққиёт партияси вакиллари ўз етакчиси ва давлат раҳбари Ражаб Тоййиб Эрдўғонни Россия ва Украина ўртасидаги инқирозни ҳал қилишдаги саъй-ҳаракатлари учун Тинчлик бўйича "Нобел" мукофотига номзодини кўрсатиш тарафдори, деб ёзади "Ҳурриет" газетаси.
Нашрнинг ёзишича, бу масала АКП ижроия қўмитаси йиғилишида кўтарилган.
“Президентимиз Тинчлик учун "Нобел" мукофотига муҳтож эмас, лекин бир вақтлар бу мукофот АҚШнинг собиқ президенти Барак Обамага берилган бўлса, Эрдоғаннинг Украинада тинчликни таъминлаш борасидаги саъй-ҳаракатлари учун унга ҳам "Нобел" мукофоти берилиши керак", — дея Туркиянинг ҳукмрон партияси ижроия қўмитаси аъзоси Сунай Карамак сўзларидан иқтибос келтирди нашр.
Туркия ташқи ишлар вазири Мевлут Чавушўғли Эрдўғонга "Нобел" мукофоти бериш ташаббусини қўллаб-қувватлади.
“Аслида, ҳеч нарса қилмаган Обамага фақат Фаластин муаммосини ҳал этишдаги саъй-ҳаракатлари учун Тинчлик учун "Нобел" мукофоти берилди. Аммо президентимиз кўпроқ иш қилди. Шунинг учун у "Нобел"га лойиқ“, — дея Чавушўғлининг сўзларини келтиради газета.
68 ёшли Эрдўғон, агар унга мукофот берилса, Тинчлик учун "Нобел" мукофотидан воз кечишини бир неча бор айтган эди.
