Хитойнинг Россия билан иқтисодий алоқалари санкциялар кучини камайтирмайди — Жонсон
Британия Бош вазири Пекин учун Москвани қўллаб-қувватлаш тобора қийинлашаётганини айтди.
Россияни қўллаб-қувватлаб, Ғарбда обрўсини йўқотиши Хитойга тобора қимматга тушмоқда. Бу ҳақда Буюк Британия бош вазири Борис Жонсон маълум қилди.
"Хитой қизиқарли саволга жавоб бериши керак. Улар ҳақиқатдан ҳам ўзларини Буча ва Мариуполдаги ҳодисалар билан боғлашни истайдими? Фикримча, бу масалага жавоб бериш кун сайин Пекинга оғир бўлиб бормоқда", — деган у.
Шу билан бирга, Жонсон Хитой, Ҳиндистон ва бошқа давлатларнинг Москва билан иқтисодий ҳамкорлиги Ғарб санкцияларининг самарасини пасайтирмайди. У вақт ўтиши билан чекловлар сезиларли бўлиб боришини таъкидлаган.
Аввалроқ Жонсон РФ олтин заҳираларига бўлган чекловни кучайтиришни таклиф қилганди.
