Буюк Британия Путин ва Лавровнинг қизларига нисбатан санкиялар жорий қилди
Ҳар учала аёлнинг Британияга кириши тақиқланади ва активлари музлатилади.
Буюк Британия Россия президенти Владимир Путиннинг икки қизи ва мамлакат ташқи ишлар вазири Сергей Лавровнинг қизига қарши санкциялар жорий қилди. Бу ҳақда Британия ташқи ишлар вазирлиги матбуот хизмати маълум қилди.
Қайд этилишича, Екатерина Тихонова, Мария Воронтсова ва Екатерина Винокурнинг Буюк Британия ҳудудига кириши тақиқланади, уларнинг Британияда жойлашган барча активлари музлатилади.
"Бизнинг мисли кўрилмаган санкциялар пакетимиз элита ва уларнинг оилаларига зарба бермоқда, чунки Россия иқтисодиёти Совет Иттифоқи қулаганидан бери Россия кўрмаган миқёсда таназзулга юз тутмоқда", деди Британия Ташқи ишлар вазири Лиз Трусс.
У шунингдек, бу борада яна кўп иш қилиш кераклигини қўшимча қилди.
Эслатиб ўтамиз, бир неча кун аввал Путиннинг қизлари ЕИ санкцияларига тушиб қолиш хавфи борлиги ҳақида хабар берилганди.
