“SpaceX” Халқаро космик станцияга сайёҳларни юборди
Тижорий парвоз нархи 55 миллион доллар.
SpaceХ “Axiom Space” томонидан ташкил этилган саёҳат доирасида Халқаро космик станцияга уч нафар сайёҳни жўнатди.
Бу аввалроқ Халқаро Космик Станцияга астронавтларни юборган корпорация учун биринчи тижорий парвоздир.
Экипаж таркибига NASAнинг собиқ астронавти Майкл Лопес-Алегрия, учувчи вазифасини бажарадиган америкалик тадбиркор Ларри Коннор, канадалик инвестор Марк Пати ва исроиллик тадбиркор Эйтан Стиббе киради. Уларнинг барчаси тиббий кўрикдан ва махсус тайёргарликдан ўтгандан сўнг парвозга рухсат этилди.
ХКСга саёҳат нархи 55 миллион долларга баҳоланмоқда. Саёҳлар Ерга 19 апрелда қайтишлари керак.
Келгуси йилда “Axiom Space” ХКСга яна бир миссия юборишни режалаштирмоқда. Шунингдек, компания 2024 йилда ўзининг орбитал мажмуасини очмоқчи.
