Эртадан Ўзбекистон билан Қозоғистон ўртасидаги авиачекловлар бекор қилинади
“Uzbekistan airways” авиақатновдан фойдаланиш шартларини маълум қилди.
11 апрелдан Қозоғистоннинг Ўзбекистон билан давлат чегарасини авиақатновлар орқали кесиб ўтишда қўйилган чекловлар бекор қилинади. Бу ҳақда “Uzbekistan airways” ахборот хизмати хабар қилди.
Таъкидланишича, қозоғистонликлар ва Қозоғистон ҳудудида яшаш учун рухсатномага эга бўлган хорижликлар ҳамда чет эл фуқаролари “Uzbekistan airways” авиақатновига чиқишдан олдин COVID-19 тестининг салбий натижаси (амал қилиш муддати 72 соат) ёки COVID-19 га қарши тўлиқ эмланганлик/қайта эмланганлик тўғрисидаги ҳужжатларни тақдим этишлари керак.
Эслатиб ўтамиз, Ўзбекистон ва Қозоғистонда берилган эмланганлик сертификатларини икки давлат ҳам ўзаро тан олган.
