Туркия Украинага етказиб берган an “Bayraktar TB2” учувчисиз қурилмалари тақдири нима бўлди?
Россия уларнинг катта қисмини йўқ қилгани айтилмоқда.
Украинадаги ҳарбий можаро бошланишидан анча олдин Владимир Зеленский Ражаб Тоййиб Эрдўған билан “Bayratkar TB2” қурилмалари бўйича келишувга эришган эди. Шундан кейин Киев ушбу зарбдор қурилмаларнинг фаол харидорига айланган.
24 февраль куни Россия билан ҳарбий можаро бошлангач, Украина қуролли кучлари “Bayratkar”лардан кенг фойдаланди. Шундай бўлсада, бир ойдан сўнг, 25 мартга келиб Россия Федерацияси Киевда мавжуд бўлган қурилманинг 35 таси йўқ қилинганини маълум қилди. Бундан ташқари, 25 мартдан 9 апрелга қадар камида саккизта “Байрактар” уриб туширилган.
“Reuters” агентлиги маълумотларига кўра, Туркиянинг Baykar ҳарбий компанияси Украина армиясига “Bayratkar”лар етказиб бериш бўйича қўшимча келишувга эришганини айтмоқда.
Москва норозиликларига жавобан, расмий Анқара бу келишув хусусий корхонага тегишли эканини таъкидлаб келади. Туркия ҳукуматининг позицияси эса икки урушаётган давлатлар ўртасидаги мулоқотни тиклаш эканлиги қайд этилган.
