Байден АҚШда ноқонуний қурол тайёрлашни тақиқламоқчи
2021 йилда отишмалар оқибатида Америкада 20 мингдан ортиқ инсон ҳалок бўлган.
Жозеф Байден АҚШда қурол айланмасини чеклашга доир янги чора-тадбирларни белгиламоқчи. Бу ҳақда Reuters хабар берди.
Агентлик маълумотларига кўра, Оқ уй раҳбари бу ҳақда душанба куни эълон қилади. Ундан кўзланган мақсад ноқонуний ясалган қўлбола ўточар қуроллардан қурбон бўлаётган аҳоли сонини камайтириш эканлиги айтилган.
Шунингдек, бу турдаги қуролларни ясаш тақиқланиши ҳам кутилмоқда.
Reuters 2021 йилда ўточар қуроллар қўлланилиши оқибатида мамлакатда 20726 киши ҳалок бўлганини қайд этган.
Аввалроқ АҚШда юз берган отишмада 5 киши яралангани тўғрисида хабар берилганди.
