Ҳафта ўрталарида иссиқ ҳаво тўлқинлари яна қайтади
Март ойидаги тинимсиз ёғинли кунлар ортидан, апрел ойининг кутилмаганда қуруқ бўлишига олиб келди.
Ўзгидромет 13-15 апрел кунлари республика ҳудудларида яна иссиқ ҳарорат кузатилишини прогноз қилмоқда.
Ҳафта бошидаги бироз салқин ҳаво (аслида, бу ҳаво ҳам мавсум учун меъёрий ҳароратдан юқори) ортидан, 13 апрелдан кунлар яна исиб боради.
Шимолда ҳарорат максимумлари +33 даражагача, жануб вилоятларда +38 даражагача кўтарилади. Бу кунлари жойларда ёғингарчилик кутилмайди.
Гидрометерологик татқиқотчи Э.Абдулаҳатовнинг айтишича, март ойидаги тинимсиз ёғинли кунлар ортидан, апрел ойининг кутилмаганда қуруқ бўлишига олиб келди. Мана, ойнинг ярми ҳам ўтяптики, республикамизда мавсумга хос бўлмаган иссиқ ва қуруқ ёғинсиз об-ҳаво кузатилмоқда. Биз бу йил ёмғирли комфорт об-ҳавога эга апрел ойини ''йўқотиб'' қўйдик. Апрел ойининг иккинчи ярмида ҳам қуруқ ва кам ёғинли давр давом этиши мумкин. Чунки ғарбдан минтақага кириб келадиган ва айни мавсум майдалаб кўп ёғин берадиган нам ҳаво массаларидан дарак йўқ.
