Исроил 2021 йилда қанча қурол сотган?
Мамлакат мудофаа вазирлиги бу бўйича баёнот берди.
Исроил ўтган йил давомида 11.3 миллиард долларлик қурол экспорт қилган. Бу ҳақда мамлакат мудофаа вазирлиги маълум қилди.
Қайд этилишича, бу 2020 йилги кўрсаткичга нисбатан 3 миллиард долларга кўп. Мудофаа вазирлиги бу рекорд кўрсаткич эканини таъкидлаган.
Шунингдек, 2020 йилга нисбатан 30 фоизга кўп янги шартномалар имзоланган.
Маълумот ўрнида: Исроил дунёнинг энг йирик қурол экспортёрларидан бири. Жаҳон қурол-яроғ савдосида унинг улуши 3.0 фоизни ташкил этади. Мамлакатда ишлаб чиқариладиган қуролнинг 80 фоизга яқини экспортга йўналтирилади.
Аввалроқ жаҳон мамлакатларининг қурол экспорти бўйича статистикаси эълон қилинганди.
