Нефть масаласи Европа бирлигига путур етказяпти — El Pais
ЕИ Россияга қарши янги санкциялар масаласида келиша олмаяпти.
Россиянинг нефть-газ секторини ҳам қамраб олиши мумкин бўлган Евроиттифоқнинг янги санкциялар пакети ЕИ давлатларининг Украина бўйича ягона позициясига путур етказиши мумкин. Бу ҳақда El Pais газетаси хабар берди.
Газетанинг дипломатик манбаларга асосланиб хабар қилишича, нефтга қарши жорий этилиши мумкин бўлган эмбарго энергетик қарамлиги кучли бўлган давлатларнинг норозилигига сабаб бўлмоқда. Душанба куни ЕИ ташқи ишлар вазирлари учрашувида Европа бирлигига бу масала юзасидан дарз кетаётгани айниқса сезилган.
Газета манбалари янги санкциялар пакетини қабул қилиш тобора қийин бўлиб бораётганини қайд этган.
Аввалроқ ОПЕК Европани нефть билан таъминлай олмаслигини маълум қилганди.
