«Nokia» Россияни тарк этди
Ҳозиргача 600 дан ортиқ йирик хорижий компаниялар Россиядаги фаолиятини тўхтатган.
Финляндиянинг «Nokia» телекоммуникация компанияси Россиядаги фаолиятини тўхтатди.
"Украина босқинининг дастлабки кунлариданоқ «Nokia» фаолиятини Россияда давом эттириши мумкин эмаслиги аниқ эди. Сўнгги ҳафталарда биз етказиб беришни тўхтатдик, янги бизнесни тўхтатдик ва чекланган илмий-тадқиқот ишларини Россиядан ташқарига кўчирдик", - дейилади компания баёнотида.
Қайд этилишича, “гуманитар сабабларга кўра” Ғарб ҳукуматлари Россиядаги муҳим телекоммуникация тармоғи инфратузилмаси ишдан чиқиши хавфидан хавотир билдирган.
«Nokia» 2021 йилда компаниянинг соф савдосининг 2 фоиздан камроғи Россия ҳиссасига тўғри келганини қўшимча қилди.
Ҳозиргача 600 дан ортиқ йирик хорижий компаниялар Украинага қарши бошланган уруш туфайли Россияни тарк этишди.
