Оқ уй қатор генералларни алмаштирмоқчи
Бу Пентагон стратегияси ўзгарганидан далолат беради.
Жозеф Байден администрацияси ҳарбий қўмондонликда қатор кадрлар тайинловини амалга оширмоқчи. Бк ҳақда The Wall Street Journal газетаси хабар берди.
Гап Америка армиясининг Европадаги қўмондонлиги ҳақида кетмоқда. Хусусан, ҳозирда АҚШ қуролли кучларининг Европа бўлинмаси, шунингдек, НАТО бирлашган кучлари олий бош қўмондони. Тод Уолтерс Кристофер Наволига алмаштирилади. Наволи ҳозирда Африка ва Европадаги АҚШ қўшинларига раҳбарлик қилмоқда.
Бундан ташқари, қуролли кучлар махсус операциялар қўмондонлиги раҳбари генерал Ричард Кларк ўрнига генерал Брайан Фэнтон келиши кутилмоқда. Фэнтон АҚШ махсус кучлари қўмондонлиги бирлашмасини бошқаради.
Газетанинг қайд этишича, бу каби кадрлар алмашинуви Вашингтоннинг асосий эътиборни Яқин Шарқдан Осиёга қаратганидан далолат беради.
Администрация Уолтерс ва Кларкни 2022 йилда истеъфога чиқаришни мўлжалламоқда. Уларнинг ўрнига тайинланганлар эса шу йилнинг ёзида лавозимига киришади, аммо улар бундан аввал АҚШ сенати тасдиғидан ўтиши керак.
Аввалроқ АҚШ қуруқлик қўшинлари сони қисқартирилиши тўғрисида хабар берилганди.
