0
Эммануэль Макрон сиёсатдан кетгач, нима билан шуғулланади?
Франция раҳбари бу саволга жавоб берди.
Франция президенти Эммануэль Макрон сиёсий фаолиятини тугатгач, ёзувчи бўлишини маълум қилди.
“Менинг бутун ҳаётим адабиёт билан боғланган. Фаолиятим бошқа соҳаларда бўлганда ҳам, ёзувчи бўлишни истаганман. Ҳозирда мен бу иш билан шуғуллана олмаяпман”, – деган у Le Point журналига берган интервьюсида.
Шунингдек, Макрон бўш вақтини китоб ўқиш ва оиласи билан мулоқотга бағишлашини таъкидлаган.
Аввалроқ Макрон ва Марин Ле Пен Франция президентлик сайловида иккинчи турга ўтгани тўғрисида хабар қилинганди.
