Ле Пен президентликка сайланса, Францияни НАТО қўмондонлиги таркибидан чиқаришга ваъда берди
Франция ҳеч қандай алоқаси бўлмаган қўмондонликка бўйсунмаслиги керак, деган у.
Франция президентлигига “Миллий ралли” партиясидан номзод Марин Ле Пен, агар сайланса, мамлакатни НАТО қўмондонлик тузилмаларидан чиқаришини ва франсуз қўшинларини ЕИ умумий қўмондонлиги остига ўтказиш ниятида эмаслигини айтди.
Ле Пен, шунингдек, агар Европа Иттифоқи умумий ҳарбий қўмондонликка эга бўлса, франсуз қўшинларини у ерга ўтказишга қарши эканлигини ҳам айтган.
"Бизнинг қуролли кучларимиз Францияга ҳеч қандай алоқаси бўлмаган қўмондонликка бўйсунмаслиги керак. Бу НАТО қўмондонлигига ҳам, Европа қўмондонлигига ҳам тегишли", - дейди у.
Ле Пен Европа Иттифоқи ҳақида гапирар экан, уни “ичкаридан ислоҳ қилиш” зарур деб билишини таъкидлади ва агар у ҳокимият тепасига келса, Франсиянинг ушбу интеграция уюшмасидан чиқишига интилмасликка ваъда берди.
У БМТ Хавфсизлик Кенгашини ислоҳ қилишни ёқлаб, унда "Ҳиндистон, Африка давлати, кейинроқ Лотин Америкаси мамлакати" га доимий ўрин бериш ғоясига қайтишни таклиф қилди.
Шу билан бирга, Ле Пен Франциянинг Германия билан ҳамкорлигини танқид қилди, чунки унинг фикрича, Париж ва Берлин кўп соҳаларда турли манфаатларга эга. У, шунингдек, Германиянинг БМТ Хавфсизлик Кенгашининг доимий аъзоси бўлишига қарши чиқди.
