Тошкентда анимацион фильмлар форуми ўтказилади
Форумнинг эътиборли жиҳати, унда чет элдан эталон негативлари қайтарилган ўзбек мультфильмлари илк бор кенг жамоатчиликка намойиш этилади
Форум доирасида 10га яқин давлатдан ташриф буюрган анимация соҳасида фаолият юритаётган мутахассислар томонидан семинар-тренинглар бўлиб ўтади.
Тошкентда 18-22 апрель кунлари Tashkent International Animation Forum (TIAF) бўлиб ўтади Анимацион форум Кинематография агентлиги ташаббуси билан кўплаб хориж киностудиялар билан ҳамкорликда ташкил этилмоқда.
Унда Германия, Грузия, Исроил, Озарбайжон, Тожикистон, Россия, Украина ва Чехия давлатларидан анимация мутахассислари, шу билан бир қаторда ўзбек аниматорлари ва “Ақлвой”, “Болажон” телеканалларидан вакиллар иштирок этади.
Форум доирасида моҳир аниматорлар томонидан тақдимотлар, маҳорат дарслари, мастер-класлар, ижодий учрашувлар ва шу каби қатор тадбирлар ўтказилади. Жумладан, 10га яқин давлатдан ташриф буюрган анимация соҳасида фаолият юритаётган мутахассислар томонидан семинар-тренинглар бўлиб ўтади.
