Байден фаолиятига ишонч кескин пасайиб кетди
Президент сиёсатини 41 фоиз америкалик маъқуллаган.
Жозеф Байденнинг рейтинги рекорд даражада тушиб кетди. Бу ҳақда CNN хабар берди.
Телеканалнинг сўровномалар таҳлилига асосан берган маълумотларига кўра, ҳозирда уни 41 фоиз, айрим маълумотларга кўра, 33 фоиз америкаликлар қўллаб-қувватламоқда. Сўровнома тўрт ташкилот томонидан ўтказилган.
“Ҳақиқатдан ҳам ўта ёмон кўрсаткич”, – деган CNN мухбири.
Қўшимча қилинишича, Дональд Трамп фаолияти президентлигининг ҳудди шу босқичида 42 фоиз фуқаролар томонидан маъқулланган.
“Уч ёки тўрт сўровнома натижаларига кўра, президентга ишончнинг бу даражада пасайиб кетиши бизнинг қаршимизда жуда катта муаммоларга эга раҳбар борлигини кўрсатади”, – деб қўшимча қилган телеканал.
Аввалроқ Байден АҚШда ноқонуний тайёрланган қуроллар савдосини чеклагани тўғрисида хабар берилганди.
