Оҳангаронда юк автомобили ағдарилиб кетди
Ҳодиса оқибатида ҳайдовчи воқеа жойида вафот этган.
Ижтимоий тармоқда Тошкент вилоятининг Оҳангарон туманида юк автомобили думалаб кетгани акс этган видео тарқалди. Ҳолат юзасидан ЙҲХХ расмий маълумот берди.
Қайд этилишича, воқеа бугун, 15 апрель куни соат 17.40 атрофида туманиинг “Гулистон–Бўка–Ангрен–Қўқон–Андижон–Ўш” йўналишида юз берган. Йўлнинг 201-километрида “DAF” русумли юк машинасида ҳаракатланиб бораётган ҳайдовчи кескин бурилиш жойида бошқарувни йўқотган ва қарама-қарши оқимни ажратиб турувчи бетон тўсиққа бориб урилган.
Ҳодиса оқибатида ҳайдовчи олган оғир тан жароҳатлари туфайли воқеа жойида вафот этган.
Ҳозирда мазкур ЙТҲ юзасидан Оҳангарон тумани ИИБ ҳузуридаги ТБ томонидан терговолди суриштирув ҳаракатлари олиб борилмоқда.
