0
Бетакрор овоз соҳибаси Наргиз Зокирова Ўзбекистонга келди
У 1995 йилда АҚШга кўчиб кетган.
Хонанда 20 йил деганда илк марта она юртига келди, уни Жавоҳир Зокиров кутиб олди.
“Мен туғилиб-ўсган ва тарбия топган она юртимга келдим. Бу ерда 20 йил бўлмадим, ҳис-туйғуларимни таърифлаб бера олмайман”, деб ёзди Наргиз Зокирова ўзининг Инстаграм саҳифасида.
Эслатиб ўтамиз, ижодкор 1995 йилда ота-онаси ва қизи билан бирга АҚШга кўчиб кетган. 2013 йилда Американинг «Х-Фастор» шоусида иштирок этган, Россияда «Голос» танловида қатнашиб, иккинчи ўринга сазовор бўлган.
Маълумот учун, Наргиз Зокирова Тошкент шаҳрида Ўзбекистонда таниқли мусиқачилар оиласида туғилган. Онаси - Луиза Каримовна Зокирова, 60-70 йилларда машҳур эстрада хонандаси, хусусан, акаси Ботир Зокиров билан дуэт куйлаган.
