Оқ уй Зеленский тасвири туширилган тангани сотувга чиқарди
Унинг нархи 100 долларни ташкил қилади.
Оқ уйнинг расмий дўконида Украина президенти Владимир Зеленский сурати туширилган коллекция тангаси сотувга қўйилди. Бу ҳақда АҚШ маъмурияти хабар қилди.
Қайд этилишича, танганинг нархи 100 долларни ташкил қилади. Унда Зеленскийнинг 2022 йил 7 март куни АҚШ Конгрессига қилган видеомурожаати тасвирланган.
“Бу дунёдаги энг йирик ҳарбий ва молиявий кучга фавқулодда виртуал мурожаат эди”, — дейилган Оқ уй матбуот хизмати хабарида.
Тангалар сотувидан тушган фойданинг барчаси Украинага гуманитар ёрдам кўрсатиш учун юборилади.
