Қашқадарёда ёшлар етакчиси ўзини осиб қўйди
Воқеага қарз муносабати сабаб бўлгани айтилмоқда.
13 апрель куни тахминан соат 20.00 атрофида Ғузор тумани “Совбоғ” маҳалласида яшовчи 37 ёшли эркак яшаш уйининг олдидаги оғилхона устунига арқон билан ўзини-ўзи бўйин соҳасидан осиб, воқеа жойида вафот этган.
Маълумотларга кўра, марҳум эркак тумандаги маҳаллаларнинг бирида ёшлар етакчиси лавозимида фаолият юритган. Ҳозирда эркак нима учун ўз жонига қасд қилгани ҳақида аниқ маълумотлар йўқ. Аммо марҳумни таниганлар бу ҳолатга қарз муносабатлари сабаб бўлганини айтмоқда.
Ҳозирда Ғузор тумани прокуратураси ушбу ҳолат юзасидан терговга қадар текширув олиб бормоқда.
