Сирдарёда террористик гуруҳга қўшилмоқчи бўлган йигитлар қўлга олинди
Улар ижтимоий тармоқда ақидапарастлик ғояларидан дарс олиб келишган.
Сирдарё вилоятида Суриядаги “Катибатуль Тавҳид ва Жиҳод” халқаро террористик ташкилоти аъзолари томонидан очилган “виртуал гуруҳ”га аъзо бўлиб, ундаги ақидапарастлик материалларни бошқаларга тарқатиб келган 7 нафар шахслар қўлга олинди.
Мазкур шахслар Суриядаги жангарилар раҳнамоларининг онлайн дарсларида иштрок этиб келишган ва маълум муддат ичида улардан 2 нафари радикал ғоялар таъсирига тушиб, Сурияга чиқиб кетишга тайёргарлик кўришган. Яшаш жойларида ўтказилган тинтув жараёнида қўлга олинганлардан жиноятга алоқадор ашёвий далиллар расмийлаштириб олинган.
Тўпланган материаллар асосида Жиноят Кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
