Колумбияда йирик наркобаронлардан бири қўлга олинди
У мамлакатнинг энг хавфли жиноятчиларидан бўлган.
Колумбияда ҳарбийлар ва полициячилар томонидан “Кўрфаз тўдаси” наркогуруҳи раҳбарларидан бири қўлга олинди. Бу ҳақда мамлакат мудофаа вазири Диего Молано маълум қилди.
Гап Фаустио Паласиос ҳақида кетмоқда. Моланонинг сўзларига кўра, у қидирувдаги энг ашаддий жиноятчилардан бўлган. Колумбия ҳарбий-денгиз кучларининг маълум қилишича, Паласиос 2012 йилда “Кўрфаз тўдаси”га кирган. 2016 йилда у наркогуруҳнинг бўлинмаларидан бирига жўнатилган, 2021 йилда эса унинг қуролли қаноти раҳбарига айланган.
“Кўрфаз тўдаси” 1.5 мингга яқин жиноятчини бирлаштирган. Уларнинг катта қисмини консерватив қарашларга эга бўлган истеъфодаги ҳарбийлар ташкил этган. Унинг раҳбари Даирог Антонио Усуга бўлган. У узоқ йиллар давомида Колумбиянинг энг ашаддий қидирувдаги жиноятчиларидан бўлган. Ўтган йилнинг 23 октябрида Усуга қўлга олинади.
Аввалроқ Ўта хавфли жиноятчи Google Maps сабабли қўлга олингани тўғрисида хабар берилганди.
