Латвияда НАТОнинг бир ойлик машғулотларига старт берилди
Унда альянснинг аксарият давлатлари иштирок этади.
Латвияда НАТО бўлинмалари иштирокида йирик машғулотлар бошланди. Бу ҳақда “Интерфакс” хабар берди.
Машғулотлар 18 апрелдан 27майга қадар давом этади. У Namejs 2022 деб аталади. Машқлардан кўзланган мақсад – мудофаа мақсадларига эришиш учун миллий ва иттифоқчи кучларнинг интеграциясини яхшилаш. Унинг биринчи босқичида АҚШ, Чехия, Польша, Буюк Британия, Литва ва Эстония ҳарбийлари иштирок этади.
Бу давлатлар механизациялашган бўлинмалар, артиллерия, авиация ва десант бўлинмалари билан қатнашади. Жами 3 мингдан ортиқ ҳарбийларни жалб қилиш режалаштирилган.
Аввалроқ НАТО шарқий қаноти кучайтирилиши тўғрисида хабар берилганди.
