Илон Маск шахсий уйи йўқлигини маълум қилди
Уйим бўлмагани учун кўпинча дўстларимникида қоламан, деган у.
Дунёнинг энг бой одами, “Тесла” раҳбари Илон Маск ўзининг шахсий уйи йўқлигини ва кўпинча дўстлариникида қолишини айтди. Бу ҳақда у “TED” журналига берган интервюсида маълум қилди.
“Ҳозирда ўзимнинг жойим йўқ, мен том маънода дўстларим билан қоламан.Агар мен Бай Ареа (Сан-Франсиско)га борсам, дўстларимнинг уйларидаги бўш ётоқхоналар орасида кезиб юраман”, — деган у.
“Маркет Wатч” маълумотларига кўра, “Форбес” Маскнинг бойлигини 269,5 млрд долларга баҳолаган. Маскнинг қайд этишича, у ҳар йили миллиардлаб долларларни шахсий эҳтиёжлари учун сарфламайди, бироқ шахсий самолётдан фойдаланишга ўрганиб қолгани учун унинг харажатлари ҳамон юқори.
“Агар самолётдан фойдаланмасам, ишлашга вақтим кам бўлади”, деб тушунтирган Маск.
Ўтган июн ойида у, асосан, Остиндаги бошқа компанияси “SpaceX” штаб-квартирасига жуда яқин жойлашган 50 минг долларлик ижарага олинган уйда яшашини маълум қилган эди.
