Грузияда киберхавфсизликни кучайтириш керак — НАТО амалдори
У буни Россиянинг Украинадаги ҳарбий ҳаракатлари билан боғлаган.
НАТО бош котиби ўринбосари Жеймс Аппартуй Грузияда киберхавфсизликни кучайтириш зарурлиги маълум қилди. Бу ҳақда “ТАСС” хабар берди.
Аппартуй ҳозирда Тбилисида бўлиб турибди. Унинг сўзларига кўра, Россиянинг Украинадаги ҳарбий операцияси Грузияда киберхавфсизликни кучайтиришни талаб қилмоқда.
“Мен бу ерда Грузия парламенти ва ҳукумати билан янги ташаббус ҳамда таклифларни кўриб чиқиш учун бўлиб турибман. Мамлакат мудофаа вазирлиги ва ташқи ишлар вазирлиги билан учрашувлар ташкил этади”, – деган у.
Грузия ўтган асрнинг 90 йилларидан буён НАТО билан ҳамкорлик қилиб келади. 2002 йилда мамлакатнинг ўша пайтдаги раҳбари Эдуард Шеварднадзе альянсга аъзо бўлиш истагини билдиради. Ундан кейинги президент Михаил Саакашвили ҳам бу сиёсатни давом эттиради.
Аввалроқ Грузия Евроиттифоққа аъзо бўлиш учун ариза топширгани тўғрисида хабар берилганди.
