Жиззахдаги кучли сел оқибатида 4 киши ҳалок бўлди
Вилоятдаги сел оқибатлари бўйича ФВВ маълумот берди.
Бугун, 20 апрель куни кузатилган кучли ёғингарчиликлар оқибатида Жиззах вилоятининг Бахмал, Фориш, Ғаллаорол ва Ш.Рашидов туманларида сел оқимлари юзага келди. Ҳолат юзасидан ФВВ расмий изоҳ берди.
Дастабки маълумотларга кўра, айрим аҳоли яшаш жойлари, ижтимоий соҳа объектлари ва экин майдонлари сел оқимидан зарарланган. Бундан ташқари, Фориш туманида яшовчи 4 нафар фуқаро (1 нафар эркак, 3 нафар аёл) сел оқизиб кетиши оқибатида ҳалок бўлган.
Айни пайтда вилоят Фавқулодда вазиятлар бошқармаси ва унинг ҳудудий бўлим ходимлари томонидан ёғингарчилик оқибатларини бартараф этиш ишлари олиб борилмоқда.
