Байден Жанубий Кореяга келишни режалаштирмоқда
У мамлакатнинг янги сайланган президенти билан учрашмоқчи.
Жозеф Байден 20-22 май кунлари Жанубий Кореяга ташриф буюриши мумкин. Бу ҳақда Yonhap агентлиги хабар берди.
Оқ уй раҳбари Корея Республикасининг янги сайланган президенти Юн Сок Ёль билан учрашади. Шу ҳафта охирида Сеулга АҚШдан делегация келади ва икки давлат раҳбарларининг эҳтимолий учрашуви жойларини ўрганади.
Шу билан бирга Юн Сок Ёлнинг ёрдамчиси Чан Чжэ Воннинг сўзларига кўра, “ҳали ҳеч нарса ҳал қилинмаган”.
Аввалроқ Жанубий Корея ҳарбийлари президент қароргоҳи ўзгаришига қарши чиққани тўғрисида хабар берилганди.
