“Яндекс” инвестиция дастурларини тўхтатди ва прогнозларини бекор қилди
Компания санкцияларнинг салбий таъсири туфайли шу қарорни қабул қилган.
“Яндекс” кўплаб инвестицион лойиҳаларини тўхтатди. Бу ҳақда компания расмий баёнотида сўз боради.
“Биз Россия ичкарисида, шунингдек, хориждаги кўплаб инвестицияларни тўхтатдик ёки қисқартирдик. Санкциялар, рубль курси пасайиши ёки салбий истеъмол кайфияти натижасидаги ҳар қандай иқтисодий пасайиш бизнинг молиявий ҳолатимиз ҳамда фаолиятимиз самарадорлигига негатив таъсир ўтказади”, – дейилади баёнотда.
Шунингдек, компания барча прогнозларини бекор қилди.
Бундан ташқари, “Яндекс”россияга қарши иқтисодий чекловлар электрон савдо бизнесига салбий таъсир ўтказишини қайд этган.
Аввалроқ Aвстралия россиянинг 14 корхонасига санкция киритгани тўғрисида хабар берилганди.
