АҚШ Украина бўйича координатор тайинлади
У ҳарбий ёрдам масаласи билан шуғулланади.
АҚШ администрацияси генерал-лейтенант Терри Вольфни Украинага ҳарбий ёрдам бўйича координатор этиб тайинлади. Бу ҳақда Миллий хавфсизлик кенгашига таяниб The Hill хабар берди.
Нашр маълумотларига кўра, Терри Вольф яқинда Миллий хавфсизлик кенгаши томонидан Вашингтон ва унинг иттифоқчиларнинг Украина билан хавфсизлик соҳасидаги ҳамкорлик бўйича координаторликка жалб қилинган.
Пайшанба куни Жозеф Байден Киевга қўшимча 800 миллион долларлик ҳарбий ёрдам пакетини эълон қилди. У ўз ичига артиллерия ва учувчисиз учиш қурилмаларини олади.
Аввалроқ Финляндия Украинага ҳарбий ёрдам юборгани тўғрисида хабар берилганди.
