Киевдаги Ўзбекистон элчихонаси қайта фаолиятини бошлади
Аввалроқ элчихона вақтинчалик Львовга кўчирилганди.
Ўзбекистоннинг Украинадаги элчихонаси Киевга қайтди. Бу ҳақда Ташқи ишлар вазирлигининг расмий вакили Юсуп Кабулжанов маълум қилди.
“Маълум қиламизки, 2022 йил 22 апрель кунидан бошлаб Ўзбекистон Республикасининг Украинадаги Элчихонаси Киев шаҳрида ўз иш фаолиятини тўлиқ тиклади.
Саволлар юзасидан Элчихонага қуйидаги манзил бўйича мурожаат қилишингиз мумкин: Киев шаҳри, Володимирска кўчаси, 16, 01901”, – дейилади Кабулжановнинг Telegram каналига жойлаштирган хабарида.
Аввалроқ нотинч вазият ва фуқароларнинг эвакуациясини осонлаштириш мақсадида Ўзбекистон элчихонаси Киевдан Украина ғарбидаги Киев шаҳрига кўчирилганди.
2020 йилдан бошлаб Алишер Курманов Ўзбекистоннинг Украинадаги фавқулодда ва мухтор элчиси лавозимида ишлаб келади.
