АҚШ ва ЕИ Россиянинг нефть даромадларини камайтирмоқчи
Бу борада музокаралар олиб борилмоқда.
АҚШ ва Евроиттифоқ Россиянинг нефтдан оладиган даромадларини қисқартириш йўлларини кўриб чиқмоқда. Бу ҳақда Bloomberg агентлиги хабар берди.
Агентлик манбаларига кўра, Вашингтон ва Брюссель ўртасидаги музокаралар Россия даромадларига “янада кучли зарба” бериш учун ўтказилмоқда.
Эҳтимолий чоралар сифатида ҳисоб-китоб механизмидан фойдаланиш мумкин. бу Москванинг энергетик ресурслардан олаётган фойдасини қисқартиради. Шунингдек, АҚШ ва Евроиттифоқ Россиядан келаётган нефть нархига чегара ўрнатиши ҳам кўриб чиқилмоқда.
ЕИ давлатларининг РФ “қора олтин”идан бутунлай воз кечиши варианти ҳам бор, аммо Қўшма Штатлар бунинг ортидан нефть ва газ нархининг кўтарилиб кетишидан хавфсирамоқда.
Аввалроқ OPEC Россия нефтининг ўрнини боса олмаслиги тўғрисида хабар берилганди.
