Ҳақиқатдан ҳам Трампнинг Конгрессдаги тартибсизликларга алоқаси борми?
Аввалроқ The New York Times собиқ президентни ҳодисага жавобгарлиги тўғрисида хабар тарқатганди.
АҚШ собиқ президенти Дональд Трамп 2021 йил 6 январь кунги тартибсизликлар бўйича жавобгарликни зиммасига олмаганини айтди. Бу ҳақда у The Wall Street Journal газетасига берган интервьюсида айтган.
“Бу нотўғри. Мен ҳеч қачон бу бўйича жавобгарликни зиммамга олмаганман”, – деган у.
Аввалроқ The New York Times Трампнинг АҚШ конгресси аъзоси Кевин Маккартига тартибсизликлар бўйича қисман жавобгарликни зиммасига олганини айтгани тўғрисида хабар берганди.
Собиқ президент тарафдорлари 2021 йил 6 январь куни Конгресс биносига бостириб кирганди. Улар 2020 йил ноябрида бўлиб ўтган президент сайловидан норозилик билдирганди.
Аввалроқ Трамп Байденга қарши айбловлар қўйганди.
