Самарқандда Tуркология илмий-тадқиқот институти очилди
Шунингдек, CамДУ таркибида халқаро тил ўргатиш маркази фаолият бошлади.
Шароф Рашидов номидаги Самарқанд давлат университетида Ўзбекистондаги илк Туркология илмий-тадқиқот институти ҳамда халқаро стандартлар даражасида хорижий тил ўргатиладиган тил маркази фаолият бошлади.
Мазкур институт Ўзбекистон ва Туркия Республикалари ўртасида имзоланган “Абадий дўстлик ҳақида”ги ҳамда таълим ва маданият соҳаларидаги ҳамкорлик шартномалари, хусусан, Самарқанд давлат университетининг Истанбул, Анқара, Мармара сингари йигирмага яқин университетлар билан тузган академик ва илмий-тадқиқотлар бўйича алоқалари маҳсули сифатида ташкил этилди.
Унинг моддий-техник базаси Туркия Республикасининг ҳамкорлик ва мувофиқлаштириш агентлиги (ТИКA) томонидан молиялаштирилди.
Институт фаолиятини тизимли йўлга қўйиш, унинг маънавий-маданий фондини бойитиш учун Туркиядан 8 мингдан зиёд китоб олиб келинади.
Инглиз, немис, венгер тилларидаги бу илмий ва ўқув адабиётлар қаторига Самарқанд давлат университети таянч кутубхонаси фондларидаги 1000 дан зиёд ўзбек ва рус тилларидаги адабиётлар қўшилади.
