Тошкентда ОИТСга чалинган шифокор стоматологик хизмат кўрсатиб келаётгани аниқланди

 

Тошкентда 29 ёшли йигит Инстаграм ижтимоий тармоғи орқали танишган қиздан касаллик юқтириб олди. Бу ҳақда Тошкент шаҳар ИИББ маълумот берди.

 

“Икки марта кўришганман. Шу билан қайтиб учрашмадик. 2 ойлардан кейин текширтирганимда, шунақа касаллик (ОИТС – таҳр.) келиб чиқди”, — дейди йигит.

2021 йилнинг декабрь ойида Тошкент шаҳар ОИТСга қарши курашиш маркази ходимлари томонидан йигит назоратга олиниб, шу куни шифокор томонидан унга ОИТС касаллиги ва уни юқтириш йўллари ҳақида тушунтириш берилган.

Агарда у била туриб, бошқаларга ушбу касалликни юқтириш ёки юқтириш хавфи остида қолдирган тақдирда, жиноий жавобгарликка тортилиши ҳақида расман огоҳлантирилган.

Ўтказилган тезкор тадбир давомида фуқаро ўзида ОИВ ва ОИТС инфекцияси билан касалланганлигини била туриб, Ўзбекистон Республикаси Соғлиқни сақлаш вазирлигининг тегишли буйруқлари ва талабларини бузган ҳолда тақиқланган касбий фаолият (стомотолог сифатида) билан шуғулланиб келаётгани аниқланган. 

“Энг ёмони – ҳеч кимга айта олмаслигинингиз. Уйланаман, деб энди юргандим. Мана бу нарса бўлганидан кейин одам ёмон тушкунликка тушиб қоларкан. Бир ойлаб ухламадим. Уйқу ҳам, ҳаловат ҳам бўлмади”, — деган йигит.

Ҳозирда макур ҳолат юзасидан унга нисбатан Жиноят кодексининг 113-моддаси (“Таносил ёки ОИВ касаллиги, ОИТС касаллигини тарқатиш”) бўйича иш очилиб, тергов ҳаракатлари олиб борилмоқда. Ушу моддага кўра, йигит 5 йилгача озодликдан маҳрум қилиниши мумкин.