Туркия рус самолётлари учун осмонни ёпди
Бу ҳақда Путин огоҳлантирилгани маълум қилинди.
Туркия Сурияга учаётган Россия ҳарбий ва фуқаролик самолётлари учун ҳаво ҳудудини ёпди. Бу ҳақда Туркия ташқи ишлар вазири Мавлуд Чавушўғли маълум қилди.
“Биз уч ойлик рухсатнома бергандик. Бу апрел ойида тугайди”, — деган у.
Вазирнинг қўшимча қилишича, президент Ражаб Тоййиб Эрдўғон аввалроқ Россия етакчиси Владимир Путинни бу ҳақда огоҳлантирган.
Эслатиб ўтамиз, аввалроқ Туркия Озарбайжон билан иттифоқчилик муносабатларини расман тасдиқлагани хабар қилинганди.
