Шавкат Мирзиёев Рамзан Қодировга совға юборди
Чеченистон раҳбарига олтин ва кумушдан ясалган расм совға қилинган.
Рамазон Хайити арафасида Ўзбекистон делегацияси Чеченистонга ташриф буюрди. Қодировга Мирзиёев томонидан табрик йўлланди ва унга “Пои-Калон” ансамбли расми совға қилинди. Бу ҳақда “Спутник” хабар берди.
“Пои-Калон” — Бухородаги меъморий ансамбль. Унинг таркибига Рамзан Қодировнинг отаси Ахмат Қодиров таҳсил олган Мир Араб мадрасаси киради.
“Отам Бухорода ўқиб юрган даврларини фақат яхши сўзлар билан эслар, самимий ва хотиржам аҳоли ҳақида гапирар эди”, — деб ёзган Қодиров ўзининг Телеграм саҳифасида.
Чеченистон Республикаси раҳбари Ўзбекистон президентига “Ўзбекистон ва Россия ўртасидаги самарали ҳамкорликнинг ривожланишига қўшган ҳиссаси учун” миннатдорчилик билдирган.
