Хитой Ерни астероидлардан ҳимоя қилмоқчи
Тез орада хавфли астероидларни кузатувчи технология яратилади.
Хитой Ерни хавфли астероид зарбаларидан ҳимоя қилиш технологиясини ишлаб чиқишни режалаштирмоқда. Бу ҳақда Хитой Миллий космик бошқармаси хабар берди.
“2025–2026-йилларда Ерга хавф туғдирувчи астероидларни кузатиш технологиясини синовдан ўтказишга ҳаракат қиламиз. Унинг ёрдами билан астероид билан тўқнашувни олдини оламиз”, — дейилади бошқарма хабарида.
Янги технологиянинг асосий вазифаси астероидларни каталоглаш ва қайсилари Ер учун хавф туғдиришини аниқлашдан иборат бўлади.
Эслатиб ўтамиз, аввалроқ “SpaceX” компанияси томонидан ерни интернет билан таъминловчи 53 та спутник орбитага олиб чиқилгани хабар қилинганди.
