Европа фаровонлиги Россия ресурсларига боғлиқ – Герхарлд Шрёдер
Германия собиқ канцлери урушдан сўнг бутун ЕИ Москва билан алоқаларини тиклашга мажбур бўлишини таъкидлади.
Россияни сиёсий ва иқтисодий жиҳатдаг яккалаб қўйишнинг имкони йўқ, ЕИ фаровонлиги доимо рус хомашёсига боғлиқ бўлади. Бу ҳақда Германия собиқ канцлери Герхард Шрёдер маълум қилди.
“Узоқ истиқболда сиз Россия каби давлатни яккалаб қўя олмайсиз. Германия саноати рус хомашёсига муҳтож”, – деган у “The New York Times” газетасига берган интервьюсида.
Шрёдернинг қўшимча қилишича, ресурсларга қарамлик фақатгина энергетика манбаларига тааллуқли эмас.
“Бу фақат нефть ёки газ эмас, балки камёб элементлар ҳамдир. Бу хомашё ўрнини шунчаки тўлдириб бўлмайди”, – деб қайд этган собиқ канцлер.
Сиёсатчининг сўзларига кўра, Украина можаросидан сўнг бутун Европа Москва билан алоқаларини тиклайди.
Аввалроқ Россия Украинадаги “махсус операция”сининг иккинчи босқичидан кўзланган мақсадини очиқлаганди.
