Путин БМТ Бош котиби билан учрашув ўтказди
Унда Россия раҳбари Украиндаги ҳарбий можаро сабабини очиқлади.
Бугун, 26 апрель куни Россия президенти Владимир Путин Москвада БМТ Бош котиби Антониу Гутерришни қабул қилди.
Учрашувда Путин Россия ҳар доим БМТни қўллаб-қувватлашда давом этишини билдирди. У Украинадаги ҳарбий можаро ҳақида тўхталиб, бугунги муаммолар 2014 йилги давлат тўнтаришидан кейин пайдо бўлганини ва бу конституцияга зид ҳаракат бўлгани айтиб ўтди.
Мамлакат раҳбарининг сўзларига кўра, Россия томони яхши ниятларини яққол намоён қилган, аммо Бучада провокацияга дуч келди.
БМТ Бош котиби Туркиянинг Украинадаги вазиятни ҳал қилиш учун мулоқот ташкил этиш бўйича саъй-ҳаракатларини қўллаб-қувватлади ва гуманитар коридорлар бўйича БМТ–РФ–Украина ўртасида алоқа гуруҳини тузишни таклиф қилди.
