АҚШ қурол захиралари тугамоқда — Bloomberg
Агентлик бир неча экспертларнинг бу борадаги фикрларини ўрганган.
Вашингтон Украинага қурол етказиб беришда давом этса, бир неча ойдан сўнг шахсий заҳиралар тугайди. Бу ҳақда Bloomberg агентлиги хабар берди.
АҚШ мудофаа вазирининг харидлар бўйича собиқ ўринбосари Эллен Лорд бу мамлакат хавфсизлиги учун катта таҳдид эканини айтган. Унинг сўзларига кўра, ҳозирда Қўшма Штатлар Stinger зенит-ракета тизимларининг тўртдан бир қисмини сарфлаб бўлган.
Ўз навбатида “Ихтисослашган хизматлар бўйича кенгаш” президенти Дэвид Берто Россиянинг Украинадаги ҳарбий операцияси бошлаганидан буён Вашингтон ўз қурол заҳираларининг учдан бирини тайёр ҳолатга келтирган, аммо уларнинг ўрнини тўлдириш учун янги шартномалар тузилмаган.
Аввалроқ Германия ҳам ҳарбий омборларида қуроллар тугаётганини маълум қилганди.
