Наманганда ЙПХ машинаси автоҳалокатга учради
Унга тўқнашган “Матиз” йўл четига ағдарилиб кетган.
Бугун, 28 апрель куни соат соат 15:30 да Тўрақўрғон тумани ҳудудидан ўтган 4P-112 автомобиль йўлининг 55-километрида 3 та автомашина иштирокида йўл-транспорт ҳодисаси содир бўлди. Бу ҳақда ЙҲХХ ахборот хизмати хабар берди.
Қайд этилишича, “Ласетти” автомобили ўзи билан бир йўналишда, олдинда ҳаракатланиб кетаётган “Матиз”нинг орқа томонига бориб урилган. Шундан сўнг “Матиз” қарама-қарши йўналишга чиқиб кетиб, ЙПХ ходимига тегишли автомобиль билан тўқнашган ва йўл четига ағдарилган.
Ҳодиса оқибатида “Matiz” ичида бўлган бир нафар йўловчи тан жароҳати билан шифохонага ётқизилган.
Ҳозирда мазкур ҳолат юзасидан суриштирув ҳаракатлари олиб борилмоқда.
