9 май куни Украинани нималар кутмоқда?
Путин “Ғалаба паради”да Украина масаласи бўйича муҳим нутқ сўзлаши кутилмоқда.
Владимир Путин 9 май куни бўлиб ўтадиган Россиядаги Ғалаба парадидан фойдаланиб, Украинага ҳал қилувчи зарба бериш учун ўз захираларини оммавий сафарбар қилишини эълон қилиши мумкин. Бу ҳақда Буюк Британия мудофаа вазири Бен Уоллес маълум қилди.
У Россия президенти дунё “нацистлари”га қарши янги уруш эълон қилиши мумкинлигини айтмоқда.
Шу билан бирга, Уоллес Путиннинг бундай баёнот билан чиқиш ниятида эканлиги ҳақида аниқ маълумотга эга эмаслигини, бироқ Путиннинг риторикасини инобатга олган ҳолда, бунинг имкони борлигини тан олишини таъкидлаган.
Эслатиб ўтамиз, Украина президенти Владимир Зеленский Польша оммавий ахборот воситалари билан суҳбат чоғида Россия билан музокараларни тугатиш хавфи юқорилиги ҳақида гапирган эди.
